Bo día,
A situación que estamos a vivir é extraordinaria para todas e todos e, inevitablemente, ten implicacións na nosa capacidade de traballo, para o
mantemento de rutinas, no xeito de relacionarnos, de xestionar a
sobreinformación que nos chega dos medios de comunicación, mesmo transforma a nosa percepción e
emocións cara a realidade que manexamos día a día.
É por iso que o Departamento
de Orientación do IES As Insuas pon a disposición do alumnado, as familias
e do profesorado varios medios para axilizar calquera consulta ou comunicación:
-
Email: sandracarracedo@edu.xunta.es (prégase que no corpo do correo se
identifique o nome e o curso da/o alumna/o).
- Instagram (chat): @orientaasinsuas, Twitter: orientaasinsuas
Se nalgún momento precisas axuda nas seguintes circunstancias, non dúbides en poñerte en contacto connosoco:
- Dificultades emocionais, tensión, ansiedade.
- Problemas para manexar relacións, na comunicación, autocontrol.
- Dificultades de organización e planificación das tarefas académicas.
- Para mellorar a comunicación co profesorado titor ou profesorado de materias.
- Apoio ó alumnado con dificultades específicas de aprendizaxe ou que presenta outras necesidades/condicións que afectan ó proceso de ensino-aprendizaxe e o desenvolvemento.
- Aclarar dúbidas sobre xestións académicas: avaliacións, prazos de matrícula, etc.
- Dúbidas sobre o futuro académico e profesional: elección de estudos, requisitos e vías de acceso a estudos medios e superiores, as opcións que existen en 3º e 4º ESO, etc.
